Mutane 3 sun jikkata yayin da wasu mahara suka hargitsa wajan ansan katin zabe a Osun

Mutane 3 ne aka tabbatar sun jikkata a yayin da wasu da ake zargin ‘yan bindiga ne a wasu al’ummun karamar hukumar Ilesa ta Yamma a jihar Osun, a ranar Alhamis, suka kai farmaki wuraren da aka kebe domin karbar katin zabe na dindindin tare da kawo cikas wajen gudanar da taron. Wannan ci gaban ya haifar da firgici a cikin Igbogi, Isokun, Ibala, da dukkan unguwannin da ke cikin birnin Ilesa, lamarin da ya tilastawa mutane zama a cikin gida, yayin da ‘yan iska dauke da muggan makamai ke yawo a kan tituna. 

Wani mazaunin Ibala, wanda ya nemi a sakaya sunansa, a lokacin da suke zantawa da manema labarai, ya shaida wa wakilinmu cewa, ‘yan ta’addan sun yi niyyar tsoratar da mutane daga cibiyoyin da ake karban PVC. 

An kuma kara da cewa wadanda suka samu raunuka a rikicin, ana kyautata zaton sun samu raunuka ne a lokacin da gungun ‘yan bindiga da ke da hannu a rikicin suka yi arangama. Da yake tofa albarkacin bakinsa, jami’in hulda da jama’a na hukumar tsaro ta farin kaya, reshen jihar Osun, Olabisi Atanda, ya ce an dawo da zaman lafiya.Ta ce, “Sun (’yan iska) sun yi awon gaba da (cibiyoyin tattara tarin PVC) a Ilesa ta Yamma da Ilesa ta Yamma ta Tsakiya. 

Sun kasance a Ward 1, 3, 6 da 7. “’Yan ta’adda ba su bar mutane su karbi katin zabe na dindindin ba, amma ‘yan sanda da jami’an tsaro na Civil Defence ne ke kan gaba a lamarin. “Ban san an kai hari a Sakatariyar PDP a karamar hukumar Ilesa ta Yamma ba. Har yanzu ba a kama su ba amma muna kan farautar 'yan iska. Mutane uku ne suka samu raunuka amma ba a samu rahoton mutuwa ba.

 Da aka tuntubi dan jin ta bakin mai magana da yawun INEC na Osun, Seun Osimosu, ya ce ba a dakatar da bayar da PVC a yankunan da abin ya shafa ba, amma ya ce an janye ma’aikatan daga yankunan da abin ya shafa saboda rashin tsaro. ya kara da cewa hukumar za ta gana da jami’an tsaro a Ilesa ta Yamma domin shawo kan lamarin. 

Daga: Firdausi Musa Dantsoho